«Donde comer vegano en Galicia? Ten que ser moi difícil…». Unha teima que se repite continuamente e que, a pesares de ter parte de verdade, cada vez é menos. O certo é que ser vegana en Galicia, unha vez tomas a decisión, cada vez é máis sinxelo.

De feito, e como che imos contar aquí, cada vez existen máis restaurantes que ofrecen opcións veganas ou que incluso teñen o menú 100 % vegano en Galicia. Queres coñecelos? Imos aló!

Donde comer vegano en Galicia

Pequeno disclaimer: queremos avisar de que so imos falar de cousas que coñecemos persoalmente. Aínda nos quedan moitos sitios nos cales probar comida vegana e, por iso, iremos actualizando este artigo a medida que vaiamos ampliando a nosa lista de lugares en Galicia.

Comer vegano en A Coruña

Gran descubrimento deste 2024. Por fin! Fomos probar os famosos bocatas de Ruca Bocata nunha fantástica finde de Blogtrip coa familia de GaliciaTB pola Coruña. E que gran decisión parar a cear aquí! Teñen unha gran variedade de bocatas de todo tipo, con ingredientes de máxima calidade e maridados da mellor maneira posible.

Por se isto fora pouco, tamén teñen postres. No noso caso só probamos a torrija, pero en canto teñamos oportunidade de volver, meterémoslle o dente ao resto, iso seguro. Se ides pola Coruña, saíde pola parte dereita da Praza de María Pita (deixando o concello á vosa esquerda) e estaredes en Ruca.

Na tranquilidade da cidade vella atópase este restaurante tan especial. Cunha estética alternativa que enche o ollo nada máis entrar e unha cociña caseira e deliciosa. As encargadas son moi atentas e a carta variada e divertida.

Non só contan con pratos variados, tamén cunha carta de bebidas moi diversa. O té xeado caseiro é especialmente refrescante para o verán. En pratos, recomendaríamos o kebab de yuba ou o “polbo” á feira, pero o interesante é deixarse sorprender!

A comida, as salsas, as guarnicións… Todo é caseiro nun restaurante que xa se convirte nunha das nosas referencias para comer vegano na Coruña.

A Factoría Verde (100% VEGANO)

A xoia da coroa vegana da Coruña. Foi o primeiro lugar en apostar por unha carta completamente vegana na cidade herculina. É un local que conta con produtos ecolóxicos, de proximidade, de calidade e, por suposto, veganos. O seu prezo vai acorde á calidade que brinda, como é razoable. Cando se fan as cousas ben, hai que pagalas.

Levo tempo e tempo buscando un lugar onde comer unha pizza que me encha 100%. E aínda que hai máis opcións (como verás máis abaixo), o certo é que A Pastar chega no 2023 con forza cunha oferta estupenda.

O local está na Rúa Puerto Rico e é moi agradable. Probamos unha tapa de ensaladilla caseira moi moi boa, pero sen dúbida o que nos marcou foron as pizzas.

Tamén de elaboración caseira e utilizando a masa dun obrador de pan de Carral marca a diferenza. Que deliciosura… Probamos a pizza de verduras e a barbacoa e están de 10. Tamen probamos as cookies de postre. Pero hai moitas máis opcións! Convidámoste a visitar o seu Instagram. Sen dúbida un lugar para darse un par de caprichos. Volveremos en canto poidamos! 

É un servizo de cátering que se pode contratar para vodas e outros grandes eventos. Non conta cun restaurante no cal sentarse a comer, non obstante, pódense encargar os pratos que ofrecen na súa web. Son moi atentas e os produtos cos que traballan, deliciosos. Especial mención aos tequeños, un produto que é difícil atopar por aí en versión vegana e que, cando o probamos, case nos fan chorar da emoción.

Mahara Taberna

Sempre dicimos que puidesen existir máis lugares con opcións veganas con ese estilo típico das tabernas. Por sorte, cada vez hai máis posibilidades neste sentido. O Mahara, situado na céntrica rúa do Orzán, é un deses lugares.

Non hai máis que ver dous dos seus pratos máis especiais: o raxo con patacas e a tortilla. Son dous pratos que custa facer veganos e que teñan ese sabor tan característico.

Pero, concretamente, coa tortilla de patacas é unha auténtica pasada. Ten esa textura tipo Betanzos tan característica e un sabor intenso que merece a pena probar.

Ademais destas dúas opcións, probamos os tacos e as gyozas de verduras. Ollo que os primeiros pican! Recomendamos o Mahara 100%. Delicioso.

Gyozas de verduras do Mahara

Este lugar que probamos contra finais de 2023 é deses que nos gustan por unha razón. A pesar de non ser 100% vegano, a súa carta de opcións veganas replica exactamente as opcións que hai na carta carnista.

É dicir, que se nun lado hai tacos, no outro tamén. Se hai gyozas, o mesmo. Incluso calamares! Ten pouco aforo e está nunha zona moi transitada do centro da Coruña (a rúa Franxa), polo que hai que ir un día con tempo. Pero a comida está súper ben cociñada e sempre tes ganas de probar máis cousas.

The Breen’s Tavern

Esta taberna de marcado estilo irlandés está situada no centro da cidade, na mesma Praza de María Pita. Ten unha terraza fantástica onde aproveitar os raios de sol nos días que este decide saír. Viñemos por recomendación para probar a tapa de callos veganos. Hai que dicir que é unha tapa contundente. O sabor dos callos está moi logrado grazas á mestura duns bos cogomelos cos garabanzos e especias como o comiño. Pica un pouco, iso si, tédeo en conta.

the breens tavern
Tapa contundente de callos veganos

Giova Pizza

Moitas veces asociamos “vegano” a exclusivo, concienciudamente elaborado, sano, eco, bio e, por tanto, caro. Pero xa hai tempo que as persoas veganas tamén podemos gozar do pracer da comida rápida. Un anaco de pizza vegana de Giova Pizza cando a fame aperta é xenial.

comer vegano en galicia
A deliciosa pizza de espinacas de Giova

Cervecería Victoria

Unha clásica cervexería da cidade da Coruña. Preto da praia de Riazor, ademáis dun espazo e un persoal agradable, ofrece unha variedade de pratos veganos e de moita calidade. Ir alí é un pracer e, sen dúbida, unha parada obrigatoria para comer vegano en A Coruña.

Vitale (pechado)

Cando buscamos restaurantes veganos en Galicia, ultimamente, buscamos que sexa algo así como a “Taberna do tío Paco” en versión tofu. É dicir, que sexa algo tipo mesón de menú do día a 10 euros no cal podes recargar o teu cancharolo de fabas pero en versión vegana. Ou pedir unhas racións de fritangas para compartir. 

Esta versión, representada perfectamente polo B13 en Madrid, é difícil de atopar. Non obstante, o Vitale foi o primeiro local de Galicia no que nos sentimos así. Unha mágoa que pechara as súas portas.

Comer vegano en Oleiros

After Surf

Arredor da praia de Bastiagueiro sitúanse dous lugares nos cales paga a pena xantar. O primeiro deles é o gastrobar do After Surf. Ademais dunha escola de surf e dunha tenda de mateiral de surf e skate, o After Surf conta cunha hamburguesa vegana especialmente deliciosa.

Pensa nun día destes de primavera no que o sol xa quenta pero a praia aínda non está chea. Pillar unha hamburuesa con patacas para levar e comela na beiriña da praia de Bastiagueiro. Aproveita que o After Surf está case a pe de praia e, ademais, o packaging é respectuoso co medio ambiente.

Camping Bastiagueiro

O Camping de Bastiagueiro, situado no alto xusto á entrada do parque metropolitano conta cun espaxo chill-out no cal as postas de sol non teñen nada que envexar a outros puntos do mapa.
É un lugar para relaxarse e conta tamén con hamburguesa vegana que, para maior alegría, ofrecen en 2×1 os venres. Que mellor forma para comezar a fin de semana que unha cea na súa terraza?

Comer vegano en Santiago de Compostela

Entre Pedras (100% VEGANO)

Curiosamente, a primeira vez que probamos a comida do Entre Pedras, non foi en Santiago de Compostela, senón en Vigo, na Primeira Feira Vegana vegana.gal (deixámosvos o noso posa por el a nun vídeo aquí debaixo). Teñen fama, e é merecida, porque traballan moito e moi ben. A súa carta é 100% vegana e iso para nós sempre é un plus polo cal apostar.

En maio de 2023 conseguimos ir xantar con calma xa en Santiago e temos que dicir que foi toda unha experiencia culinaria. Roliños de verán exquisitos, quesadilla de tempeh e zorza vegana. De postre, un cachiño de tarta de cenoura cuberta de chocolate e un doce de pistacho e amorodo que estaban para caer do gusto. De feito, tan rico estaba todo que esquecemos facerlle foto a algunha cousiña, pero facédesvos unha idea ;).

Nin que dicir ten que outra das cousas xeniais de este local é que son moi atentas. Ademais, colaboran cun lote de causas xustas como son o santuario Vacaloura ou Micos do Barrio.

A porta verde

Precisamente ese día que non puidemos cear no Entre Pedras, atopamos un recuncho moi acolledor e cunha comida fantástica e abundante na mesma rúa, na cera de enfrente e un pouco máis abaixo.

A porta verde é un restaurante vexetariano que traballa desde hamburguesas de froitos secos, pasando por durum, croquetas arroz ou wok de verduras. Moita variedade vegana para saír cheas e cun sorriso na cara. Repetiremos

A Medusa Pub non é un bar calquera. É unha experiencia. Non vas só para tomar algo. Vas para entrar nun espazo seguro, interesante e cómodo. Por que non dicilo, son completamente a nosa xente!

A ver, que podes tomar un delicioso sándwich de pesto vegano cunha cunca de chocolate? Podes –e sempre estaremos agradecidas por esta recomendación á nosa queridísima Laura (Pingando)–. Pero tamén podes aproveitar e ir algún día que teñan programados eventos chulos como mercados de arte, de literatura, de roupa, eventos musicais, etcétera.

Mellor, pasádevos polas súas redes e comprobádeo por vós mesmas (e ide, claro).

Telekebab

Pero non todo ten que ser restaurante ao uso para comer vegano en Santiago de Compostela. E o Telekebab da rúa Rosalía de Castro é o mellor exemplo.

Descubrimos este local un sábado á 1 da mañá cando saíamos dun concierto de Los Chikos del Maíz. Estábamos por entrar en calquera kebab para tratar de conseguir un de falafel sen salsas nin queixo pero, cando pasamos por diante deste e vimos a V de vegano na porta, entramos de inmediato.
A nosa salvación á unha da mañá
Boa decisión. Ofrecéronnos un de falafel con salsa vegana por un bo prezo e moi rico.

Mercado La Galiciana

Como o seu nome indica, este lugar é un mercado. Un mercado de oferta gastronómica. Algo semellante á proposta do icónico mercado de San Miguel, en Madrid. Reservas o espazo, sentas e elixes que tipo de cociña che apetece ese día.

Pois dentro deste espazo, unha desas cociñas é a de The Veggie Carmen. Unha proposta culinaria que aposta polos produtos caseiros e de proximidade.

Este é un segredo que queremos compartir contigo por chegar ata aquí, porque de verdade que pasa desapercibido e non pensarías que teñen repostería vegana.

Pois si, non só teñen opcións veganas nesta panadería, senón que teñen os mellores alfajores que probei nunca. Así, e que a xente de Arxentina nos perdoe, pero é certo. Riquísimos, normais ou de chocolate branco. É importante preguntar polas opcións que teñen ese día para que che poidan indicar.

Envexa do noso alfajor? Eu tería...

Comer vegano en Costa da Morte

Carballo: Taberna o Logradouro

Na Costa da Morte tamén temos sitios polos cales vale a pena parar a comer. E O Logradouro é un deles.

É outra desas tabernas que nos fan chorar da alegría e a emoción. Sentarse e pedir sabendo que tes variedade, bo produto e cociña con agarimo. No Logradouro, en Carballo, atopamos un recuncho no cal poder xantar vegano a bo prezo cun trato exquisito.

Que marabilla atopar locales onde a xente, ademais de ser de dez, ofrece pratos tan exquisitos e elaborados.

O Pindo: a Morada da Moa

Durante o blogtrip pola Costa da Morte coa CMAT, tivemos a oportunidade de degustar un menú vegano neste coñecido restaurante da localidade do Pindo.

Tiveron un coidado exquisito co noso xantar e estaba todo delicioso. De primeiro ensalada de lentellas con mandarina, de segundo unha lasaña vegana en cunca de barro e de postre (si, postre) un biscoito de améndoa para quitar o hipo.

Malpica de Bergantiños: Ybarra

Non queremos deixar a costa sen pasar polo que temos máis preto da casa. No Ybarra atopamos un lugar que, precisamente, nos permite estar como na casa e levar á xente que nos ven visitar a Malpica.

Non conta con máis que tres opcións veganas pero, debido á falta de oferta na vila, converteuse no noso punto de referencia aquí. Na súa carta descubrimos con ledicia a hamburguesa e o bocadillo vegano e o hummus á feira. Así que se vides visitar este recuncho, xa sabedes onde comer vegano en Costa da Morte.

Comer vegano en Pontevedra

Dükela

Rumbo sur ata a provincia de Pontevera, descubrimos dous sitios fantásticos. O Dukela é unha aposta fiel pola comida de oriente próximo e Marrocos, coa súa consecuente especialización en pratos que nos encantan como o humus e o falafel. Elas son moi moi atentas e que dicir do lugar. Un restaurante para deixarse levar por sensacións culinarias diferentes.

O bo xantar (pechado)

O Bo Xantar era un deses locais que, se puidesemos, visitaríamos cada día. Tiña a gran vantaxe de ofrecer menús do día con pratos típicos e sen reviravoltas: empanada vexetal ou raxo vegano con patacas eran algunhas das propostas que nos facían a boca auga. E falamos en pasado porque, desgrazadamente, pechar hai un tempo

Comer vegano en Vigo

Temos moito por explorar en Vigo e, de feito, cando non coñecemos lugares onde comer nunha cidade, optamos tanto por preguntar á xente que coñece como por buscar na nosa app de Happy Cow (crédenos cando vos dicimos que esta pode ser a biblia vegana para xantar fora da casa).

Cúrcuma

O Cúrcuma é un restaurante que merece un lugar nesta lista. Tivemos a sorte de cear alí coas compañeiras de GaliciaTB durante o evento de “Novas caras do Turismo” a finais do ano pasado.

Teñen desde wok de verduras, pasando por tacos ou berenxena rechea. Ah, e como esquecer o Pad Thai. Por un momento, transpórtaste aos aromas e sabores do suleste asiático. Outro lugar para repetir.

Comer vegano en Ourense

Deliveggie (100% VEGANO)

Outro lugar que queremos destacar. O Deliveggie, en plena cidade de Ourense, é outro deses restaurante de 10 que apostan por un produto 100% vegano. Ademais diso, a comida está deliciosa e o trato da encargada é exquisito.

No Deliveggie sentímonos unha vez máis coma na casa, comemos ata encher e saímos coa sensación de que volveríamos en canto puidéramos.

Apoiar aos restaurantes veganos

Por sorte e, como se pode comprobar, cada vez resulta máis sinxelo atopar propostas de hostelería que apostan pola non explotación animal. E iso alégranos moito. 

Este artigo créase coma un lugar dinámico no cal ir actualizando estas propostas (ainda temos que probar un restaurante vegano na provincia de Lugo!). Como unha guía para poder descubrir lugares donde comer vegano en Galicia. Quédache por aquí o mapa completo para que poidas localizar eses restaurantes.

É unha mágoa cando algún lugar destas características, pola razón que sexa, ten que pechar as súas portas. Por esta razón, e para que cada vez sexan máis os restaurantes e bares que apostan polo veganismo, animámoste a consumir neles.

Unha alternativa extra

Se chegaches ata aquí, pode que esteas pensando en facerte vegana pero teñas certas dúbidas relacionadas coa dispoñibilidade de alimentos, a comodidade, etc. 

Como ves, cada vez existen máis posibilidades neste sentido. Neste artigo contámosche moitas, pero queremos engadir unha que che permita comer vegano en casa sen ter que cociñar: Fresh Greens.

Neste outro artigo do blog falámosche máis en profundidade do que é Fresh Greens e do que nos pareceu, pero adiantámosche que é un servizo para pedir platos de comida veganos e saudables de xeito semanal. Comodidade 100% plant based. Se queres darlle unha volta, podes tamén ver as opcións a través da súa web e, se te decides, comezar a probar comida 100% vexetal cun desconto de ata o 40% utilizando o código FRESH40.

Pulsa na imaxe para ver as opcións

7 comentarios

Lady Avellana Viajes · 26/04/2023 ás 12:30 p.m.

Bo día parella!

Post suuuuper útil e que visitarei con frecuencia para ver as actualizacións que vaides facendo.
Deixovos un par de suxerencias de lugares que visitei con amigas veganas e que espero podades probar se é que non o fixéchedes polo momento:

– Mahara: Situado na Coruña, é unha taberna de rock onde sirven comidas e, unha parte importante da súa carta, é vegana. Eu probei a tortilla e o raxo e estaban boísimos! Sabores moi logrados, racións abundantes a bo prezo e con ambiente de “taberna do tío Paco” como dicides por aquí arriba, jeje.

– Pizza Miño: Ubicado en Miño (A Coruña), hai que recoñecer que non é o sitio que máis opcións veganas ten do mundo, pero é bo saber que nesta parte do rural tamén hai opcións. Na pizzería teñen pizzas veganas, nuggets de “no pollo” e hamburguesas.

Espero que vos molen estas recos e grazas polas vosas! Xa vos contarei que tal nos lugares que recomendáchedes e, se me entero dalgún novo, cóntovos! Jeje

Apertas para as dúas!

    Sergio Casal · 26/04/2023 ás 2:10 p.m.

    Moitas grazas, Ana!

    A ver se podemos probalos canto antes!! O de pizza miño queda máis que pendente para os próximos tempos 😉

    Biquiños

Raquel · 15/04/2024 ás 3:56 a.m.

Ola,
estou buscando sitio veganos para ir comer toda a familiaque sexan cenca de donde vivimos (Ribeira, A Coruña)…algunha proposta?
Gracias!!!

    TOXÍO · 16/04/2024 ás 8:36 a.m.

    Ola Raquel! O primeiro moitas grazas polo teu comentario e por apoiar este contido.

    Sobre a pregunta que nos fas, ímosche dar un par de opcións.

    1. Hai un par de sitios preto de Ribeira que teñen algunha opción. Nós non fomos e polo tanto non che podemos asegurar, pero preguntamos a unha persoa de confianza que é vegana e é de alí para que nos recomendara. Díxonos que tes un que se chama o Entre Pans, en Palmeira, que ten unhas hamburguesas veganas que son bastante famosas (tamén con opción sen gluten). Non é 100% vegano.

    2. Por outra banda, en Ribeira mesmo, hai outro que é o Aljan, que é máis tipo restaurante con algún entrante vegano e de prato principal, arroz con verduriñas. Neste segundo caso, se se lles avisa de que vai xente vegana, os donos coidar bastante o tema das opcións. E ata aquí Ribeira.

    Despois, para un 100% vegano habería que subir ata Compostela. A nós o que máis nos gusta é o Entrepedras, pero claro, xa hai que saír da zona.

    Esperamos que xe sirva de axuda e se probas algún dos que che comentamos e che gusta, xa nos contarás!

    Apertas

    Sergio e Nuria

    TOXÍO · 16/04/2024 ás 8:36 a.m.

    Ola Raquel! O primeiro moitas grazas polo teu comentario e por apoiar este contido.

    Sobre a pregunta que nos fas, ímosche dar un par de opcións.

    1. Hai un par de sitios preto de Ribeira que teñen algunha opción. Nós non fomos e polo tanto non che podemos asegurar, pero preguntamos a unha persoa de confianza que é vegana e é de alí para que nos recomendara. Díxonos que tes un que se chama o Entre Pans, en Palmeira, que ten unhas hamburguesas veganas que son bastante famosas (tamén con opción sen gluten). Non é 100% vegano.

    2. Por outra banda, en Ribeira mesmo, hai outro que é o Aljan, que é máis tipo restaurante con algún entrante vegano e de prato principal, arroz con verduriñas. Neste segundo caso, se se lles avisa de que vai xente vegana, os donos coidar bastante o tema das opcións. E ata aquí Ribeira.

    Despois, para un 100% vegano habería que subir ata Compostela. A nós o que máis nos gusta é o Entrepedras, pero claro, xa hai que saír da zona.

    Esperamos que che sirva de axuda e se probas algún dos que che comentamos e che gusta, xa nos contarás!

    Apertas

    Sergio e Nuria

LANZAROTE: UNHA ILLA PIRATA E MIL PLANS 2020 - TOXÍO · 22/03/2023 ás 8:18 p.m.

[…] Tes un centro de saúde, farmacia, supermercado, charcóns e praias para bañarte preto e ata unha arepería! Iso si, para veganizar a túa arepa terás que falar coas encargadas. A verdade é que, polo de agora, non descubrimos tantos sitios para comer vegano en Lanzarote como en Galicia. […]

Que ver na Costa da Morte: 3 días | TOXIO · 05/10/2023 ás 11:01 a.m.

[…] a comida, que é central para nós, especialmente cando a atopamos boa, tes un artigo específico aquí. E, en Costa da Morte, hai pouquiños sitios que digan especificamente que son veganos, pero neste […]

Deixa unha resposta

Marcador de posición do avatar

O teu enderezo electrónico non se publicará Os campos obrigatorios están marcados con *

Este sitio emprega Akismet para reducir o spam. Aprende como se procesan os datos dos teus comentarios.